Home / Cultura / A Fundaçom Artábria convoca o VI Concurso Escolar ‘Conhecendo o Apalpador’

A Fundaçom Artábria convoca o VI Concurso Escolar ‘Conhecendo o Apalpador’

'O Apalpador' visto por Xiana Ruíz Martínez (foto: Fundaçom Artábria)
'O Apalpador' visto por Xiana Ruíz Martínez (foto: Fundaçom Artábria)

FERROL360 | Domingo 10 decembro 2017 | 13:45

A Fundaçom Artábria pon en marcha un ano máis o concurso escolar Conhecendo o Apalpador co que a entidade busca promover o coñecemento da figura do xigante carboeiro do Courel entre os máis pequenos.

O Apalpador é a figura mítica dun carboeiro que, tal e como indica a tradición, nas zonas do leste de Galicia baixa das montañas a noite do 24 ou do 31 de decembro para apalpar o ventre dos nenos e comprobar se comeron ben durante todo o ano e así deixarles un montón de castañas, algún agasallo e bos desexos para o ano que entra.

No VI Concurso Escolar Conhecendo o Apalpador poderán participar todos os nenos desde os 3 aos 12 anos, divididos en tres categorías: de 3 a 5 anos, de 6 a 8 anos e de 9 a 12 anos. Para poder participar, cada neno terá que presentar un debuxo orixinal con calquer material ou técnica, relativo á figura do Apalpador nunha folla de tamaño A4.

Terán que enviar o debuxo antes do 23 de decembro ao enderezo da entidade (Fundaçom Artábria, Travessa de Batalhons nº 7, baixo, Ferrol) nun sobre onde conste ‘Concurso de debuxo conhecendo o Apalpador’ e o curso onde está matriculado. No interior deben figurar os datos persoais: nome e apelidos, idade, curso e o centro educativo, ademais da autorización dos pais ou tutores.

Haberá tres premios por cada categoría que consistirán nun lote de productos relacionados co Apalpador e o xurado estará composto por unha persoa da directiva de Artábria, dúas persoas do mundo das artes plásticas e o propio Apalpador.

Os gañadores daranse a coñecer o 26 de decembro na web da entidade e os premios serán entregados polo propio Apalpador o 29 de decembro no local de Artábria.

2 comentarios

  1. que es para niños de Portugal? porque no conozco muy bien ese idioma en el que se comunica esta asociación

    • Ellos tampoco lo conocen muy bien, pero bueno: Teniendo en cuenta que el día que reivindicaban no se qué cosa de la independencia lo celebraron con una paella ya demuestran cómo tienen la azotea de amueblada.

Comentar

Su dirección de correo electrónico no será publicada.Los campos necesarios están marcados *

*