Home / Actualidad / A Asociación Veciñal El Pilar solicita ao Concello que paralice o proxecto do tanque de tormentas

A Asociación Veciñal El Pilar solicita ao Concello que paralice o proxecto do tanque de tormentas

FERROL360 | Mércores 18 setembro 2013 | 19:07

A A. VV. El Pilar, a través dun comunicado de prensa asinado polo seu presidente, Jesús Ignacio Caselas, solicita ao Concello de Ferrol «que paralice o proxecto e estude ubicacións alternativas» para o tanque de tormentas.
No comunicado, a entidade representativa do barrio ao que pertence o parque Pablo Iglesias -onde comezarán a construir o tanque antes de que finalice o mes de setembro-, deixa claro que a súa asociación «non ten negociado nada cos técnicos do Concello de Ferrol nin cos técnicos de Acuaes» e que polo tanto non teñen «acadado ningún compromiso co goberno múnicipal de Ferrol».

Esta aclaración por parte da entidade veciñal, xorde logo de que o Concello de Ferrol remitira onte un comunicado no que a portavoz da administracion local, Martina Aneiros, lembraba que «se concertaron varios encontros entre os técnicos do proxecto e os veciños co obxectivo de explicar e poñer en común esta actuación» e engadía que «acordouse, como mellora da proposta inicial, ampliar o parque cunha nova zona recreativa e de xogos infantís que se suma á xa existente no espazo».

Ese acordo co Concello si lle valeu á Asociación Veciñal de Esteiro para deixar de apoiar as protestas contra o tanque; xa que consideraron que as melloras que se conseguiron coa negociación garanten que non haberá ningún prexuízo para a cidadanía: «o tanque de tormentas do parque Pablo Iglesias de Esteiro é beneficioso para o conxunto da cidade e non crea prexuízo a particulares».

Dende El Pilar non se aceptou acordo ningún co Concello e aseguran que non entenden «como no caso da ‘Ranita’ foi posible a reubicación e no caso do parque de Pablo Iglesias o goberno municipal do Partido Popular manifesta que o «impacto será mínimo»»; eles seguen adiante coas súas iniciativas para salvar o parque e buscar unha ubicacion alternativa xa que defenden que «o que non vale para a ‘Ranita’ tampouco debería valer para o noso parque».

Pola súa banda, o Concello de Ferrol segue a insistir nesa mínima pegada que vai deixar o tanque e na importancia que ten para a cidade: «este equipamento medioambiental enmárcase na necesidade de completar o saneamento da zona urbana de Ferrol, o que permitirá a entrada en servizo da Estación Depuradora de Augas Residuais de Cabo Prioriño».

Vista panorámica do parque Pablo Iglesias (Foto: Marta Corral)

Vista panorámica do parque Pablo Iglesias (Foto: Marta Corral)

Un comentario

  1. Como se puede pretender paralizar el saneamiento de la Ría de Ferrol, que lleva años de retraso, solo para defender el egoísmo de unos pocos propietarios del Edificio del Gusano?

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies