Home / Eume / A Deputación achega 180.000 euros para promover o turismo no xeodestino de Ferrolterra

A Deputación achega 180.000 euros para promover o turismo no xeodestino de Ferrolterra

Ferrol360 | Mércores 23 agosto 2017 | 11:06

A Deputación da Coruña vén de aprobar a concesión definitiva do programa de subvencións dirixidas a entes de xestión, asociacións, mancomunidades e consorcios turísticos para a mellora da calidade e a competitividade, así coma a realización de actividades turísticas durante o ano 2017.

En total, a Deputación concedeu 650.000 euros a oito entidades de toda a provincia. Esta liña de axudas responde á vontade do goberno provincial de promover os seis xeodestinos da provincia, fomentando un turismo de calidade e impulsando a profesionalización e a modernización do sector turístico.

Por ese motivo, para a concesión das achegas valoráronse especialmente os plans de formación e de actualización dos profesionais do sector. As axudas provinciais financian tamén a organización e celebracións de eventos e o desenvolvemento de novos produtos, co obxectivo de dinamizar e diversificar a oferta turística no entorno.

O xeodestino de Ferrolterra é o que máis achegas concentra, un total de 180.000 euros que se reparten entre a Mancomunidade de Concellos da Comarca de Ferrol e a Sociedade Mixta de Turismo de Ferrol.

A primeira recibe 100.000 euros para elaborar un plan de promoción das Rías Altas a través de diversos eventos e a creación de bonos de experiencias. Mentres que á segunda se lle concederon 80.000 euros para potenciar rutas coma a das Meninas de Canido ou o Camiño Inglés e mellorar a xestión técnica da entidade.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies