Home / Eume / Pontedeume / A Deputación de A Coruña participa na iniciativa da ‘Pelota da Diversidade na Igualdade’

A Deputación de A Coruña participa na iniciativa da ‘Pelota da Diversidade na Igualdade’

O alumnado do CEIP de Ombre (Pontedeume) trae á Deputación esta inicitiva pola igualdade (foto: Deputación da Coruña)

O alumnado do CEIP de Ombre (Pontedeume) leva á Deputación esta inicitiva pola igualdade (foto: Deputación de A Coruña)

FERROL360 | Sábado 28 septembro 2019 | 15:00

Pelota da Diversidade na Igualdade chega a Deputación de A Coruña apoiada por diferentes entidades, institucións e persoeiros públicos. Trátase dun proxecto da comunidade educativa da CEIP de Ombre en Pontedeume.

O proxecto consiste nunha pelota feita con retais de tela e trapos que ten como obxectivo concienciar e sensibilizar en favor da diversidade e a igualdade nunha cadea na que veñen participando numerosas entidades e persoeiros do mundo do deporte, dos medios de comunicación e da cultura de Galicia.

Valentín González Formoso, o presidente da Deputación de A Coruña xunto con Ana Lamas, deputada de Benestar Social, e Bernardo Fernández, portavoz do Goberno provincial, recibiron esta semana na Deputación a un grupo de alumnas e alumnos do centro que impulsan a iniciativa.

Segundo explican dende a Escola Unitaria de Ombre a idea xurdiu dentro dun programa didáctico que «pretende explicar ao noso alumnado a realidade incuestionable da diversidade humana».

A proposta naceu o pasado 8 de marzo de 2018 da man do alumnado, os titores, ademais da profesora e titora do centro escolar, Isabel García.

González Formoso, gabou «unha iniciativa exemplar» que «promove a participación activa dos escolares e contribúe a afianzar valores coma a inclusión e a igualdade».

A pelota, feita a base de retallos e trapos que simbolizan a igualdade nun tecido de diversidade, seguirá rodando por distintos pobos e cidades levando a súa mensaxe de igualdade a todos os recunchos.

O seu percorrido pode seguirse no perfil de Instagram cuentos_3rs, onde se vai dando conta dos lugares nos que roda a pelota co HT #rodandodiversidadeenaigualdade.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies