Home / Actualidad / A Deputación destinará 380.000 euros para a construción dun campo de fútbol de herba artificial en Maniños

A Deputación destinará 380.000 euros para a construción dun campo de fútbol de herba artificial en Maniños

FERROL360 | Martes 29 decembro 2015 | 18:53

Este mércores celebrarase pleno da Deputación da Coruña no que se aprobará un convenio co Concello de Fene para o financiamento das obras de construción dun campo de fútbol de herba artificial no lugar de O Pote, en Maniños.

Este convenio suporá un investimento de 381.101,23 euros achegados integramente pola institución provincial. Un orzamento que inclúe o movemento e compactación de terras do actual terreo de xogo, a execución da sub-base e posterior extensión do manto de céspede sintético.

Tamén a construción do sistema de recollida de pluviais e do sistema de rego e o equipamento completo do recinto deportivo, incluíndo porterías de aluminio con rede, banderíns, banquillos de aceiro con asentos plásticos e barandillas ao longo de todo o perímetro do campo.

O céspede artificial instalado será de última xeración, con 60 mm. de altura monofilamento, lastrada con area de sílice e caucho SBR. A rede de rego do campo contará con seis aspersores emerxentes de rotación lenta, controlados dende un programador externo.

O campo estará habilitado para a práctica do fútbol 11 e fútbol 7, polo que ademáis das dúas porterías disporanse 4 porterías máis de aluminio para o fútbol 7, abatibles lateralmente

Renovación do alumeado público en Mañón

A derradeira sesión plenaria do ano aprobará tamén un investimento de 198.000 euros para a renovación do alumeado público en Estrada, A Igrexa, O Barqueiro, Fonte de Vila, Coca, Porto de Bares, Xuncal, Morao, Ponte Segade e outros lugares de concello de Mañón.

En total substitiranse 141 luminarias, que inclúen farois clásicos e puntos de luz viaria, e as lámparas e equipos electrónicos dun total de 189 puntos de luz da rede de alumeado público do Concello de Mañón.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies