Home / Actualidad / A Deputación encarga un proxecto para eliminar un punto negro na estrada de Mera a Cariño

A Deputación encarga un proxecto para eliminar un punto negro na estrada de Mera a Cariño

FERROL360 | Domingo 6 novembro 2016 | 13:51

O punto negro da estrada provincial DP 6121, que conecta Mera con Cariño, concretamente no lugar de A Ortigueira, será eliminado grazas a unha intervención da Deputación da Coruña. As obras contemplarán a demolición dunha edificación que reduce a visibilidade e a ampliación da ponte sobre o río Lourido nun dos viais que rexistra maior tráfico pesado da rede provincial.

A Deputación xa licitou a redacción do proxecto de mellora da seguridade vial por 18.500 euros. Ademais, o organismo provincial ten a intención de adquirir a vivenda máis próxima á ponte na marxe dereita da estrada, no lado interior da curva, co obxecto de mellorar a visibilidade.

E é que nestes momentos a visibilidade é moi reducida nunha zona de curva pronunciada onde o vial presenta actualmente un importante estreitamento ao pasar sobre a ponte do río Lourido. Precisamente con esta actuación poderase ampliar a plataforma do vial ás mesmas dimensións que o resto da estrada.

O proxecto que agora encarga o departamento de Vías e Obras do organismo provincial deberá conter tanto a demolición da citada edificación como a ampliación da ponte sobre o río Lourido e a instalación dunha pasarela peonil para garantir tanto a seguridade da circulación na estrada como a dos peóns do núcleo.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies