A Escola Politécnica Superior promove o emprendemento no sector marítimo

FERROL360 | Luns 12 outubro 2015 | 14:00

A Escola Politécnica Superior, coa colaboración do Departamento de Enxeñería Naval e Oceánica e a Asociación de Enxeñeiros Navais e Oceánicos de España, organiza as III Xornadas de Fomento do Emprendemento e o curso «Emprendemento Marítimo, unha opción de futuro profesional».

Ambas as dúas actividades estás orientadas ao fomento do emprendemento no sector marítimo e están abertas a toda a comunidade universitaria. As xornadas e o curso inícianse este martes, 13 de outubro, ás 10:30 horas no Salón de Actos do Campus de Ferrol.