Ferrol360 Un giro a la actualidad comarcal.
FERROL360 | Venres 13 maio 2016 | 10:21
Os máis de cincuenta músicos que compoñen a orquestra de música folk SonDeSeu subiranse este sábado ao escenario do Pazo da Cultura de Narón.
A formación, que conta xa con catro traballos discográficos, ofrecerá un amplo repertorio con temas propios e adaptados da música popular galega, como Folerpas, o Pasodoble das anduriñas ou a Xota de Cortellas.
A través das súas actuacións, SonDeSeu aposta por recuperar o patrimonio oral, ao tempo que o integran na modernidade facendo que o público asuma un papel activo durante o espectáculo, que nesta ocasión comezará ás 20:00 horas.
As entradas poden adquirirse na billeteira do Pazo por 6,65 ou 9,50 euros.
