Home / Cultura / Cine / A primeira ópera rock feita en Galicia, ‘The Rebel’, chegará a Ferrol o 25 de maio

A primeira ópera rock feita en Galicia, ‘The Rebel’, chegará a Ferrol o 25 de maio

FERROL360 | Mércores 17 maio 2017 | 12:24

The Rebel, a primeira ópera rock feita en Galicia, chegará á sede de Afundación de Ferrol o vindeiro 25 de maio. A obra xira en torno á figura de Pàdraig Pearse, poeta, mestre e líder do alzamento de Pascua irlandés.

Pearse é apresado e condenado a pena de morte tras ler a declaración de independencia nas escaleiras da oficina postal de Dublín, xunto co seu irmán William. Os dous poemas máis importantes de Pàdraig Pearse foron feitos desde a súa cela a escasas horas do seu fusilamento, un dedicado a súa nai e outro á beleza da vida.

O protagonista interactúa co público nas pezas teatrais e convive no escenario coas bailarinas integrantes do grupo Irish Treble e co cantante Iván Caride. A rodaxe da curtametraxe inclúe imaxes da costa de Loiba, entre outros, emulando as paisaxes e localizacións orixinais de Irlanda e París a comezos de século.

The Rebel é obra dos músicos Iván e Miguel Caride, que mesturan música, teatro, danza e cine. A proxección será ás 20:30 horas e a continuación terá lugar unha charla-coloquio co director do proxecto, Óscar Doviso, e os produtores e creadores Miguel e Iván Caride.

As entradas están dispoñibles na páxina web Ataquilla ou no teléfono 902 504 500. Aí vai un pequeno adianto.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies