Home / Cultura / A situación de Palestina a debate no Ateneo Ferrolán este venres

A situación de Palestina a debate no Ateneo Ferrolán este venres

FERROL360 | Venres 27 febreiro 2015 | 14:07

O Ateneo Ferrolán acolle este venres, a partires das 19:30 horas, unha sesión para reflexionar e debatir sobre a situación de Palestina e, sobre todo, a especial incidencia que ten sobre a poboación infantil. Elvira Souto e Lucía Barros, activistas de BDS-Galiza, presentarán senllos relatorios sobre esta temática; ademais, proxectarase a curta Película urgente por Palestina, de Alberte Pagán.

Precisamente, a sesión arrancará coa proxección da cinta do cineasta do Carballiño Alberte Pagán, Película urgente por Palestina. A curtametraxe, gravada en Palestina polo propio director en 2012, preséntase no propio texto en off do filme como «un panfleto sobre o sufrimento cotián, sobre o sufrimento histórico, sen imaxes, sen palabras».

A continuación, e baixo o título Sionismo, limpeza étnica e infancia, intervirán Elvira Souto e Lucía Barros, activistas de BDS-Galiza. Souto explicará a historia, funcionamento e obxectivos de BDS-Galiza, así como o xeito de participar da campaña.

Pola súa banda, Lucía Barros falará da súa propia experiencia en Palestina, a onde viaxou en 2012 coa ONG Sodepaz. No seu relatorio, Barros incidirá naqueles aspectos que vulneran de xeito máis directo a vida dos nenos e as nenas.

A Asociación Galega contra o Maltrato a Menores (AGAMME), BDS-Galiza (Campaña Internacional de Boicote, Desinvestimentos e Sancións contra Israel) e o Ateneo Ferrolán son os organizadores do acto.

Publicidad

Banner Plan de Igualdade do Concello de Ferrol

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies