Home / Cultura / A Sociedade Amigos da Paisaxe Galega celebra o seu 88º aniversario

A Sociedade Amigos da Paisaxe Galega celebra o seu 88º aniversario

FERROL360 | Mércores 7 outubro 2015 | 16:31

Esta semana é moi especial para os integrantes da Sociedade Amigos da Paisaxe Galega, e é que celebrar un 88º aniversario non se fai todos os días. A entidade programou unha serie de actos para este xoves e sábado e convida a toda a cidadanía de Ferrolterra a festexar esta data tan sinalada.

Así, este xoves ás 20:30 horas terá lugar a presentación do libro Contos do Mar de Irlanda de Xurxo Souto. A cita será no local social do Seixo e dentro da presentación proxectarase o documentario Gaiteiros do Mar.

A Sociedade Amigos da Paisaxe Galega fai un chamamento a todas aquelas persoas relacionadas co traballo no mar para que se acheguen ese día á sociedade «para conversar e rescatar vellas vivenzas e recordos salgados».

O sábado día 10 de outubro, ás 20:30 horas, haberá unha actuación do Real Coro Toxos e Froles no escenario do Seixo. Tamén contarase coa presenza de Bernardo Máiz, que fará un breve percorrido pola histórica relación entre o Real Coro Toxos e Froles e a Sociedade Amigos da Paisaxe Galega.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies