Home / Sociedad / Campus / A UDC impulsa un viveiro de empresas para a cafetaría do Campus de Ferrol

A UDC impulsa un viveiro de empresas para a cafetaría do Campus de Ferrol

FERROL360 | Luns 25 maio 2015 | 18:00

A Universidade da Coruña vén de facer público o concurso de proxectos para a concesión da cafetaría-comedor do Campus de Ferrol, en Esteiro. A idea da UDC é impulsar a creación dun viveiro de empresas nestas instalacións para a posta en marcha dunha idea empresarial deste sector.

Poderán presentarse aos concurso os estudantes dun ciclo formativo de FP ou titulados nos últimos catro anos que queiran poñer en marcha o seu propio proxecto empresarial baixo a forma legal dunha cooperativa, cun mínimo de tres persoas.

O ámbito territorial deste concurso é Galicia, pero terán preferencia os proxectos presentados dentro das comarcas de Ferrol, Eume e Ortegal. As solicitudes presentaranse en calquera dos rexistros da Universidade da Coruña ata o 22 de xuño deste ano.

O plan de negocio que se presente, redactado en galego, debe incluír o detalle suficiente para xustificar a súa viabilidade. Un xurado formado por persoal da Universidade e da Consellería de Educación será quen decida o proxecto gañador, que terá asesoramento e seguimento do seu proceso empresarial.

Para máis información podedes pinchar aquí:

Publicidad

Banner parque ferrol

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies