A web da Biblioteca de Narón renóvase para ser máis accesible e interactiva

FERROL360 | Venres 27 febreiro 2015 | 17:46

Unha web máis dinámica e interactiva, pero conservando ó mesmo tempo os contidos principais, así é a renovada páxina da Biblioteca de Narón. A concelleira de Ensino e Bibliotecas, Mª del Carmen Espada, foi a encargada de presentar a nova web e destacou que «temos incorporado seccións interactivas nas que a xente pode incluir aportacións e facer comentarios ou suxestións».

Espada tamén sinalou que se mellorou a navegación, «facéndoa máis sinxela e accesible para todos». A web conserva o mesmo enderezo, podes consultala aquí, e estrutúrase en catro grandes bloques con subcategorías de presentación, catálogo, actividades e galería audiovisual.

Os contidos da web da Biblioteca tamén poden ser compartidos polos usuarios nas diferentes redes sociais, ademais a Biblioteca Municipal do Alto contará cun perfil propio en Facebook en breve.

Publicidad