Home / Actualidad / A Xunta investirá preto de 7.000 euros na renovación dos equipos informáticos en Valdoviño

A Xunta investirá preto de 7.000 euros na renovación dos equipos informáticos en Valdoviño

Ferrol360 | Domingo 13 agosto 2017 | 12:27

Ao abeiro das axudas da Orde de infraestruturas de uso público, a Xunta de Galicia investirá preto de 7.000 euros na renovación de equipamento informático no concello de Valdoviño. Estas achegas permiten levar a cabo pequenas actuacións que benefician directamente aos veciños e contribúen á mellora da súa calidade de vida.

Así, dende a Xunta estase a apoiar aos concellos para financiar infraestruturas de uso público, como instalacións deportivas, prazas, paseos, parques infantís ou mesmo dependencias municipais onde se presten servizos administrativos.

Na convocatoria correspondente a 2017 accederon a estas axudas 27 concellos da provincia que suman un investimento total de máis de 832.000 euros en traballos de instalación, ampliación ou mellora das redes de luz pública e pavimentación de vías públicas municipais non incluídas no programa de mellora de camiños de titularidade municipal.

Tamén se procedeu á construción, mellora, ampliación ou rehabilitación de espazos públicos: prazas, paseos, rúas, parques públicos e parques infantís; construción, mellora, ampliación ou rehabilitación de edificios ou dependencias municipais destinados á prestación de servizos básicos; dotación de equipamentos de edificios ou dependencias; e construción, mellora, ampliación ou rehabilitación de instalacións deportivas de uso público e dotación de equipamentos.

O delegado territorial da Xunta na Coruña, Ovidio Rodeiro, sinala que «a Orde de infraestruturas de uso público é unha ferramenta que o Goberno galego pon a disposición dos concellos para financiar infraestruturas que beneficien directamente aos seus veciños».

Esta liña de axudas conta co financiamento do Fondo Europeo Agrícola de Desenvolvemento Rural (Feader).

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies