Home / Cultura / A XVIII edición do Oenach Atlántico de Sedes abre as súas portas

A XVIII edición do Oenach Atlántico de Sedes abre as súas portas

FERROL360 | Sábado 30 xullo 2016 | 13:55

O recinto feiral do Trece acolle esta fin de semana a décimo oitava edición do Oenach Atlántico de Sedes. Unha cita na que se desenvolverán unha gran variedade de actividades artesanais, teatrais, deportivas, musicais e de baile, así como un mercadiño artesán.

A programación arrancou este venres á noite coa recreación do renacemento do Lume Novo Solsticial nas pallozas da Aldea Castrexa e o concerto de Leilía, incluída na Noite de Música Galiciana.

Este sábado procedeuse á apertura da Campa castrexa na que veciños e visitantes poderán mercar diferentes artículos nos trinta postos que compoñen o mercadiño artesán. Ao longo do día haberá mostra da artesanía de Luthieres; artesanía en vivo e obradoiros didácticos sobre construción de vivenda, tecido, cociñado castrexo, photocall castrexo e animación teatral.

Na propia Campa acotarase durante o sábado e o domingo unha zona lúdica para que os asistentes, tanto nenos e nenas como maiores, participen nunha gran variedade de xogos. O Oenach Gastronómico ofrecerá aos asistentes a posibilidade de degustar alimentos grellados, forneados e doces.

Na tarde deste sábado haberá actuacións teatrais, xogos populares e obradoiros de enredos tradicionais cunha mostra de loita galega. Ás 19:00 horas chegará a música da man do grupo de Música e Danza Tradicional Alxibeira, do Padroado da Cultura do Concello de Narón.

O Castro de Eiravedra acollerá a tradicional Noite do castro, a partir das 22:30 horas, e os protagonistas serán os veciños e veciñas que integran a Compañía de Teatro Comunitario de Sedes. O concerto do grupo Böj, que comezará ás 00:30 horas, pechará a programación prevista para a xornada do sábado.

Programación do domingo

A cita festiva continuará este domingo co mercadiño artesán, a mostra de artesanía de Luthieres, artesanía en vivo e obradoiros. Ás 12:00 horas haberá unha mostra e exhibición de raza canina a cargo do Club de Raza Can de Palleiro e ás 13:00 voltará o teatro.

Os asistentes poderán degustar de novo os menús do Oenach Gastronómico a partir das 14:00 e xa pola tarde, desde as 17:00, haberá unha exhibición de Xogos populares e Deporte rural, para continuar o programa cunha carreira popular que comezará ás 19:00 horas.

Sobre as 20:30 horas procederase á clausura deste XVIII Oenach Atlántico de Sedes cunha actuación da Banda de Gaitas do Padroado da Cultura de Narón.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies