Home / Sociedad / Tendencias / Mercadillos / Aberto o prazo de inscrición para participar na XX Feira da Plantación de San Sadurniño

Aberto o prazo de inscrición para participar na XX Feira da Plantación de San Sadurniño

FERROL360 | Mércores 8 abril 2015 | 11:25

O Concello de San Sadurniño ven de abrir o prazo de incrición para participar na XX edición da Feira da plantación, que terá lugar o próximo 26 de abril. Os interesados deberán presentar esta solicitude no Rexistro municipal ou enviala por correo postal a: Lugar do Casal nº 16, 15560 San Sadurniño ou ben a través do correo electrónicoagustin.perez@sansadurnino.dicoruna.es.

O prazo de inscrición na XX Feira da plantación está aberto ata o 22 de abril ás 14:00horas. Cómpre reseñar que, a diferenza do Mercado local xusto, esta feira non está aberta aos postos de segunda man nin tampouco aos de artesanía.

A lista definitiva de postos admitidos publicarase o 24 de abril. Para máis información ou para solventar calquera dúbida hai dous teléfonos: a centraliña do Concello: 981.490.027 ou o móbil: 616.332.919.

Esta feira busca promocionar a produción e a comercialización agrícola da zona xunto coas posibilidades de desenvolvemento sustentable do medio rural. Así, haberá viveiros de planta e árbores, florerías, produtores de horta e firmas de maquinaria, ademais de postos de alimentación e un expositor institucional de promoción de San Sadurniño.

Este será o terceiro ano en que o Concello organizará a feira impulsada hai dúas décadas pola desaparecida asociación Bidueiro. O evento desenvolverase ao pé do colexio público de San Sadurniño, onde se instalará unha carpa de 2000 metros cadrados para acomodar os expositores inscritos.

A feira iniciarase pola mañá e estará aberta ata ben entrada a tarde e nela haberá á venda produtos de todo tipo relacionados co cultivo da terra. Ademais, todas as persoas asistentes levarán unha planta de recordo completamente de balde e durante o día celebraranse dous sorteos con produtos doados polos expositores.

Haberá lugar para xantar no propio recinto, aínda que San Sadurniño ofrece un grande abano de opcións para sentar á mesa por bo prezo. Desde o departamento de Turismo aconséllase reservar previamente, posto que nos días en que hai feiras ou mercados os restaurantes do territorio adoitan ter unha alta ocupación.

Publicidad

Banner Parque Ferrol

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies