Home / Ferrol / Fene / ADEGA denuncia que Navantia Fene realizará un novo recheo na ría de Ferrol

ADEGA denuncia que Navantia Fene realizará un novo recheo na ría de Ferrol

FERROL360 | Martes 28 abril 2015 | 18:30

A asociación ecoloxista ADEGA asegura que Navantia Fene ten previsto levar a cabo un novo proxecto de recheo na ría de Ferrol, que se iniciará de xeito inminente. Segundo indica a entidade nun comunicado, a zona afectada será a ubicada entre o peirao un e o dous da factoría, enfronte do taller de plomeiros, e tamén ao lado do peirao oito.

ADEGA indica que «parece de todo absurdo que queiran ampliar as súas instalacións» cando o estaleiro case non ten carga de traballo. Así, pregúntanse «porque necesitaría entón “ganarlle” uns metros ao mar?».

Este recheo non vai a supoñer á empresa unha mellora importante nas súas infraestruturas, pero «significa un suma e segue na desaparición dos ecosistemas da ría», critican desde a organización ecoloxista.

Segundo indican desde ADEGA, a desaparición de hábitat é un dos principais problemas ecolóxicos do litoral, e a ría de Ferrol é un bo exemplo das consecuencias deste problema. Así, advierten que a degradación que sufre a ría «é en gran parte consecuencia destes recheos, posto que moitos deles alteraron a circulación normal da auga e outros ocupan hábitats indispensábeis para o ecosistema».

Banner Odeon

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies