Home / Sociedad / Educación / Alumnos do CEIP Virxe do Mar plantarán corenta árbores no paseo marítimo de Xuvia este sábado

Alumnos do CEIP Virxe do Mar plantarán corenta árbores no paseo marítimo de Xuvia este sábado

FERROL360 | Xoves 21 abril 2016 | 16:53

Unha treintena de alumnos de Primaria do colexio Virxe do Mar participarán este sábado na tradicional plantación de árbores que anualmente realiza a Asociación Xuvenil de Tempo Libre Croio con estudantes de Narón.

A actividade desenvolverase no paseo marítimo de Xuvia, á altura da parte traseira da igrexa de Santa Rita, ás 11:30 horas. Os participantes reuniranse na zona e recibirán unha pequena explicación dos representantes da entidade sobre como plantar unha árbore.

Unha vez repartidas as ferramentas, chegará a hora de poñerse mans á obra e plantar un total de corenta árbores de diferentes especies, coma o liquidámbar, magnolio, loureiro portuxés, callistemo, arce xaponés e acivro.

A cada árbore colocaráselle unha etiqueta co nome das persoas que colaboraron na súa plantación e tamén co da especie á que pertence. A organización recomenda aos asistentes acudir con roupa e calzado axeitados para a ocasión.

Na convocatoria tamén participarán o alcalde, José Manuel Blanco, e varios edís da corporación municipal, entre eles o de Medio Ambiente, Octavio Dopico.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies