Home / Eume / As Pontes / Alumnos do IES Moncho Valcarce de As Pontes participaron no proxecto «O mundo que queremos»

Alumnos do IES Moncho Valcarce de As Pontes participaron no proxecto «O mundo que queremos»

FERROL360 | Venres 27 febreiro 2015 | 19:06

Promover a reflexión dos alumnos sobre a conexión entre as dinámicas locais e as desigualdades globais co fin de sensibilizar e transformar, así coma de explorar o potencial educativo da comunicación. Este é o obxectivo de «O mundo que queremos», un proxecto de educación para o desenvolvemento.

Os alumnos do IES Moncho Valcarce de As Pontes participaron este venres nun obradoiro de teatro enmarcado nesta iniciativa e impartido polo grupo de Teatro dos oprimidxs ‘100tolas’. Que é o teatro do oprimido/a? É unha metodoloxía que pretende transformar e denunciar as realidades opresivas a través de medios estéticos e o diálogo entre os oprimidos.

Así, conta unha escena teatral baseada en feitos reais, na cal as persoas oprimidas e opresoras entran en conflito na defensa dos seus desexos e intereses. Neste conflito a persoa oprimida fracasa e o público toma o papel protagonista para buscar alternativas ao problema que se representa.

O alumnado de As Pontes meteuse de cheo na peza A viaxe de Ana. A obra relata a historia dunha muller que decide emigrar na procura dunha vida mellor. Na súa maleta garda lembranzas e ilusión. Unha ilusión que pronto será atropelada por unha sociedade hostil, atrozmente individualista e que só busca proveito propio.

O fío temático do proxecto son os Obxectivos de Desenvolvemento do Milenio (ODM), así como experiencias de medios comunitarios vinculados a proxectos de cooperación internacional que serán presentados nas aulas a través de obradoiros de radio e fotografía e representacións de pezas do chamado ‘teatro da oprimida’.

Publicidad

Banner Plan de Igualdade do Concello de Ferrol

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies