Home / Ferrol / Ares / Ares celebrará as súas tradicionais Alfombras Florais o vindeiro 18 de xuño

Ares celebrará as súas tradicionais Alfombras Florais o vindeiro 18 de xuño

FERROL360 | Mércores 17 maio 2017 | 13:26

O Concello de Ares e a directiva da Asociación de Alfombras presentaron este martes un dos eventos máis esperados: as tradicionais Alfombras Florais que cada ano engalanan a vila con motivo da celebración da festividade do Corpus Christi. A celebración terá lugar o vindeiro 18 de xuño.

O alcalde de Ares, Julio Iglesias, a concelleira de Cultura, Alma Barrón, e as integrantes da renovada directiva da asociación coa súa presidenta, María Teresa Muíños ao fronte, presentaron o evento e informaron das novidades que teñen preparadas para este ano.

Así, co obxectivo de impulsar esta celebración e conseguir a máxima implicación dos veciños para colaborar nunha tradición tan arraigada, a entidade porá á venta rifas e chuvasqueiros cos que recadar fondos. As rifas servirán para participar no sorteo dunha cesta aportada polo Concello e os chuvasqueiros froito dunha iniciativa con Abanca e o Concello.

Ademais, a asociación busca darlle un toque solidario á cita e este ano todos os tramos terán unha mención especial para o pequeno Adri, o neno aresán que padece o síndrome de Hunter.

Traballos previos

A entidade explicou que o traballo para a confección das Alfombras comeza semanas antes coa recollida das follas e flores que decorarán o domingo de Corpus Christi as rúas e prazas de Ares. Miles de flores e outros elementos vexetais, cuidadosamente cortados e combinados, dan lugar a una auténtica obra de arte efímera.

Tradicionalmente, a asociación divídese en seis grupos que decoran seus respectivos tramos, cunha superficie total de máis dun quilómetro ao longo de rúas e plazoletas, que supón a utilización dunhas quince toneladas de material vexetal.

A noite previa ao 18 de xuño, persoas de todas as idades de Ares emplearanse a fondo para confecionar as alfombras antes de que se inicie a celebración. Unha cita que atrae a miles de visitantes á vila e foi declarada Festa de Interés Turístico Rexional pola Xunta de Galicia no ano 2011.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies