Home / Ferrol / Narón / Arranca un novo curso para a Escola de Participación Cidadá de Narón

Arranca un novo curso para a Escola de Participación Cidadá de Narón

FERROL360 | Miércoles 2 septiembre 2015 | 14:32

O mes de setembro é o mes da volta á normalidade, ás rutinas e actividades. A Escola de Participación Cidadá do Concello de Narón comeza este mércores a súa actividade normal con xornadas de atención ao público e visitas para asesorar ás entidades que o requiran.

O horario de atención ao público das oficinas, localizadas no baixo da Casa da Cultura, será os mércores, xoves e venres de 09.30 a 13.30 horas. Fóra deste horario tamén poden concertarse citas chamando ao número de teléfono 629.747.336.

Pero iso non é todo, porque a Escola de Participación Cidadá de Narón tamén estuda a posibilidade de realizar encontros nos locais sociais dos diferentes barrios e parroquias do municipio ou nas oficinas da Casa da Cultura.

Ademais, os colectivos interesados en difundir as actividades e eventos que organizan ao longo do ano poden facelo a través do email: escoladeparticipacion@cidadania.coop.

Por outra banda, a concelleira de Acción Social, Catalina García, avanza que, tal e como estaba previsto, este mes se convocarán aos responsables da área de Participación Cidadá dos concellos da comarca para continuar traballando no deseño de accións conxuntas nesta materia.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies