Ferrol360 Un giro a la actualidad comarcal.
FERROL360 | Venres 9 setembro 2016 | 10:54
A Concellería de Deportes de Ares e o Numancia organizan un ano máis o torneo de fútbol-8 Memorial de Pedro García Vilar, que xa vai pola súa oitava edición. O campionato desenvolverase este venres pola tarde e sábado en horario de mañá e de tarde -de 10:00 a 20:30 hora.
En total, serán catorce os clubes participantes neste torneo, que se disputa nas categorías de prebenxamíns, benxamíns e alevíns. Son catro equipos por categoría, aínda que algúns clubes non compiten nas tres, divididos en dous grupos.
Maniños, Galicia de Mugardos, Ánimas, Caranza, San Pedro, Narón, As Pontes, Rápido de Neda, Perlío, O Val, Victoria, Portuarios, Rayo Sadense e o propio Numancia de Ares son os clubes que participarán nesta iniciativa deportiva.
Os agasallos aos arredor dos 400 pequenos que participarán no torneo serán entregados ao remate de cada encontro. Haberá medallas para tódolos participantes e os dous finalistas levarán un trofeo.
Hai que destacar que o Memorial Pedro García Vilar celébrase para recoñecer a figura do que foi un dos máis importantes impulsores do clube de fútbol local.
