As Letras tamén se festexan en Canido

FERROL360 | Mércores 17 maio 2023 | 10:00

A Fundaçom Artábria promove este mércores Día das Letras Galegas unha xornada lúdico-reivindicativa para festexar esta data. A ruada sae do seu centro social en Esteiro ás 11:15 horas e finaliza na praza do Inferniño para participar na concentración organizada pola Plataforma Queremos Galego ás 12:00 horas.

Despois, ás 13:30 horas no Centro Cívico de Canido, en colaboración coa entidade veciñal do barrio e a Deputación da Coruña, organiza unha foliada con vermú e petiscos a prezos populares. Ás 15:00 horas terá lugar un xantar popular con arroz de Vidal e opcións veganas. O peche da festa estará da man do grupo folk Brixta ás 16:30 horas.