Home / Eume / As Pontes / As Pontes denuncia a sorpresiva eliminación do Ciclo Superior de Administración e Finanzas

As Pontes denuncia a sorpresiva eliminación do Ciclo Superior de Administración e Finanzas

FERROL360 | Mércores 24 setembro 2014 | 17:57

A Xunta de Galicia suprimiu de xeito sorpresivo o Ciclo Superior de Administración e Finanzas en As Pontes, segundo denuncian desde o Concello. O goberno local non entende esta «sorpresiva» eliminación xa que segundo explican o ciclo conta con tres alumnos matriculados e o curso xa comezou.

O alcalde do municipio, o edil de Educación e máis os voceiros do PSOE, PP e BNG mantiveron este mércores unha xuntanza co director do I.E.S Castro da Uz e os pais dos alumnos afectados para estudar as medidas a tomar con respecto a esta decisión da Xunta de Galicia.

Así, o goberno local rexeita rotundamente esta medida e remitiu un escrito á Dirección Xeral de Formación Profesional da Consellería de Educación solicitando que non se leve a cabo a suspensión. O escrito que tamén foi remitido ao conselleiro de Cultura, Educación e Ordenación Universitaria, Jesús Vázquez.

Coa eliminación deste ciclo témese que se esté buscando un baleirado de contidos formativos que poida acabar abocando ao peche do centro, segundo explicou nun comunicado o alcalde do municipio. Neste senso, Valentín González Formoso tiu que non pode ser que se permita iniciar un curso, se adxudique un profesorado xa con destino e que agora se suspenda este ciclo.

Ante esta situación, o goberno local anima á poboación a que se anote nun ciclo formativo que pode supoñer unha boa oportunidade para a inserción laboral e que pode dar lugar, co incremento no número de matrículas, a que se desbote o argumento esgrimido por parte da Xunta de Galicia, en relación ao pouco alumnado do ciclo.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies