Home / Sociedad / Entidades sociales / Beatriz Sestayo amosa a disposición do concello a colaborar coa Asociación Arraigo

Beatriz Sestayo amosa a disposición do concello a colaborar coa Asociación Arraigo

FERROL360 | Martes 7 xullo 2015 | 14:55

Durante a reunión entre os responsables da Asociación Arraigo e Beatriz Sestayo, levada a cabo na Casa Consistorial, a concelleira de Benestar Social, Muller e Festas trasmitiu a intención do Concello de Ferrol de intentar mellorar a situación actual a entidade, que non pode facer uso do espazo cedido en Recimil por problemas relacionados con obras no local.

Sestayo destacou a «magnífica traxectoria» da asociación dicindo que «ten amosado un compromiso inequívoco coas persoas en exclusión social». Falou tamén de que o anterior goberno da cidade pretendeu «invisibilizar» ao colectivo en exclusión social, mentres que o goberno de FeC e o PSOE recoñece esta situación e promete tamén «combatila» ata que estas persoas revirtan as súas condicións.

Para isto, a concelleira amosou o seu compromiso para que «se desbloqueen as trabas que teñen para a reforma do local, provintes de colapsos entre administracións inexplicable».

As obras no local, sito en Recimil, paralizaron fai seis meses o programa «Punto de encontro» co que traballaba Arraigo, polo que David Vivar, un dos responsables da asociación, insistiu en volver a poñer o proxecto en marcha sexa onde sexa.

Mentres estes problemas non se solucionen, Sestayo ofreceu como alternativa para que Arraigo leve a cabo a súa actividade, a Casa Solidaria. «Un centro público que estaba secuestrado polo goberno do PP para fins ben estranos ou mesmo pasividade», declarou.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies