Home / Eume / Cabanas / Cabanas Rural celebra este sábado o VII Larpeiradas

Cabanas Rural celebra este sábado o VII Larpeiradas

FERROL360 | Martes 17 febreiro 2015 | 15:15

Nata, merengue, biscoito, chocolate, freixós… Cabanas encherase destes deliciosos olores este sábado 21 de febreiro. E é que Cabanas Rural Asociación de Mulleres organiza a VII edición de Larpeiradas. A cita será a partir das 16:00 horas no pavillón de Lavandeira.

As persoas que desexen inscribirse neste concurso de sobremesas poden facelo a través do teléfono 659 620 948 en horario de 11:30 a 14:00 horas e de 16:30 a 20:00 horas ou ben a través do enderezo electrónico cabanasrural@gmail.com.

A recepción dos postres será das 16:00 até as 17:00 horas e, unha vez o rexistro se dea por pechado, os membros do xurado procederán a valorar a presentación, a orixinalidade, o sabor e o premio do Entroido de cada un dos pratos presentados a concurso.

Haberá un total de catro premios: á presentación, á orixinalidade, ao sabor e o premio do Entroido. Despois das valoracións, a partir das 18:30 ou 19:00 horas, todos os presentes poderán probar as sobremesas. Por iso é condición indispensable que as larpeiradas sexan aptas para o seu consumo.

A partires das 19:00 horas terá lugar a entrega dos premios aos galardonados. O xurado estará formado por un representante de cada unha das formacións políticas que forman parte do Concello. Deste xeito, a entidade quere que os políticos compartan tempo de lecer cos veciños deixando a un lado as inclinacións ideolóxicas de cada un e tomando catro decisións ben doces.

A vicepresidenta de Cabanas Rural fará de cicerone dos membros do xurado nunha xornada creada con ánimo de convivencia, colaboración e moitas ganas de pasalo ben. Todo isto aderezado cun cesto de piñata que contará con 600 cintas, todas elas con algún agasallo.

Concurso Larpeiradas Cabanas

Publicidad

san valentín en dolce vita odeon

Banner Plan de Igualdade do Concello de Ferrol

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies