Home / Ferrol / Cedeira / Cedeira celebrará este domingo o IV Certame de Pintura Rápida

Cedeira celebrará este domingo o IV Certame de Pintura Rápida

FERROL360 | Sábado 18 agosto 2018 | 11:43

O Concello de Cedeira organiza para este domingo a celebración da cuarta edición do Certame de Pintura Rápida Vila de Cedeira, unha convocatoria aberta á participación de afeccionados e profesionais que este ano chega cun considerable incremento no importe dos premios.

Así, dos 1.300 euros repartidos no 2017 se pasa aos 1.900 euros previstos para esta edición. A devandita cantidade repartirase entre os 800 que recibirá o primeiro clasificado, os 600 cos que se premiará ao segundo e os 500 que se levará o terceiro.

Os interesados deben apuntarse, antes das dez da mañá, no punto de información turística situado na praza da Marieta. O concurso dará comezo ás dez da mañá e finalizará ás cinco da tarde, polo que os participantes disporán de sete horas para plasmar os encantos da vila.

A decisión do xurado, que estará integrado por Adrián Taracido, Jane Danko e Jesús Carballeira, darase a coñecer ás seis da tarde na Sala Áncora, situada na praza Roxa. Todas as obras premiadas pasarán a ser propiedade do Concello.

O equipo de goberno anima a veciños e visitantes a participar nunha convocatoria na que o ano pasado tomaron parte un total de 24 artistas -sete máis que no 2016- chegados de moi distintos lugares da xeografía galega.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies