Home / Actualidad / Cedeira rebaixará os recibos do IBI e de rodaxe para o vindeiro ano

Cedeira rebaixará os recibos do IBI e de rodaxe para o vindeiro ano

FERROL360 | Venres 14 novembro 2014 | 20:00

Os veciños de Cedeira pagarán menos no ano 2015 polos recibos do Imposto de Bens Inmobles e o Imposto sobre Vehículos de Tracción Mecánica, rodaxe. Deste xeito, o tipo impositivo do IBI pasará do 0,55 actual ao 0,53 para os bens inmobles urbanos e ao 0,48 nos de natureza rústica.

En canto ao rodaxe, exceptuando os vehículos de alta cilindrada, a rebaixa media oscilará entre os tres e os cinco euros. A proposta foi aprobada en pleno, onde tamén saiu adiante a iniciativa de reducir a taxa que pagan os locais hosteleiros da vila pola instalación das terrazas en vía pública.

Neste caso, a reducción varía en función do espazo ocupado ou o mobiliario disposto. Con esta medida preténdese potenciar o sector servizos. Despois da súa aprobación en pleno, a tramitación continuará coa publicación en diario oficial destas modificacións das ordenanzas e, a intención do goberno municipal, é que entren en vigor o 1 de xaneiro de 2015.

O pleno tamén deu luz verde ao levantamento dos reparos sobre dúas importantes actuacións: a rehabilitación da Sala Áncora como Espazo Xoven e o acondicionamento do entorno da igrexa de Piñeiro. No primeiro caso, as obras permitirán dotar a Cedeira do seu primeiro espazo exclusivo para a mocidade e a intervención está valorada nuns 50.000 euros.

De igual xeito, o Concello levará tamén a cabo obras de acondicionamento do entorno da igrexa parroquial e cemiterio de Piñeiro.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies