Home / Sociedad / Charla en Valdoviño sobre os camiños de peregrinación de Santo André a Compostela

Charla en Valdoviño sobre os camiños de peregrinación de Santo André a Compostela

FERROL360 | Martes 15 outubro 2019 | 10:02

Este martes, na Casa da Cultura de Valdoviño, o arqueólogo Ángel Concheiro Coello impartirá a charla «Camiños de peregrinación ao longo da historia: camiño de Santo André, Camiño a Teixido e Camiño de Santiago. Recoñecemento social da poboación local».

Unha actividade que se enmarca no proxecto «Dende os Camiños de Peregrinación ata o Xacobeo», que impulsa o Concello de Valdoviño e cofinanciado pola Xunta de Galicia no marco do programa «O Teu Xacobeo».

A cita será ás 19.30 horas e a entrada é libre ata completar aforo.

Como broche de ouro ao proxecto, celebrarase unha visita a Santiago de Compostela este sábado para dar a coñecer aos veciños e veciñas a esencia e xerme do Xacobeo. Incluirá a visita ao Pórtico da Gloria e ao Museo da Catedral, así como un percorrido pola zona monumental. Para participar nesta actividade será requisito asistir á charla deste martes.

As prazas están limitadas a 50, o custe é de 10 euros e é preciso inscribirse previamente. Informarase proximamente das datas. Nesta liña, solicitaráselles ás persoas participantes nas visitas a Santo André e Santiago que, finalizadas as mesmas, presenten unha fotografía que recolla o mellor momento do seu camiño nesta experiencia. Imaxes coas que o Concello organizará unha exposición nos vindeiros meses.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies