Ferrol360 Un giro a la actualidad comarcal.
FERROL360 | Xoves 21 decembro 2017 | 17:05
O Concello de Neda organiza unha festa dedicada aos maiores para o vindeiro 4 de xaneiro. Trátase dunha chocolatada coa que se quere reunir ás persoas dunha certa idade nun acto no que haberá tamén roscón de Reis, ademais de música e sorteo de agasallos entre os asistentes.
As persoas interesadas en participar na cita poden recoller as súas invitacións ata o día 3 de xaneiro no Concello. Estas serán gratuítas para os maiores de Neda e terán un custo de cinco euros para os residentes noutros municipios limítrofes.
O centro cívico Ramón Millarengo acollerá a celebración, que dará comezo ás 18.00 horas, e á que desde o equipo de goberno se invita a asistir ao maior número de veciños que xa teñan cumpridos os 65 anos.
