Home / Cultura / Cita co teatro este sábado en Neda

Cita co teatro este sábado en Neda

FERROL360 | Sábado 10 novembro 2018 | 12:02

O ciclo Tempo para o Teatro chega esta semana a súa cuarta función coa representación da obra As cores do tempo, a cargo de Teatro da Vila, un grupo de actores non profesionais da vila de Cedeira. Será este sábado, na Casa da cultura, a partir das 20.30 horas. O prezo da entrada é de 2 euros a de adultos e un a infantil.

As cores do tempo é unha obra escrita por Quique Vázquez, na que participan, Mercedes Díaz, Josefa Nebril, Fina Nebril, Belarmino Cheda, Elvíra Díaz, Estrella Leonardo, o mesmo Quique Vázquez e Lourdes Pérez a cargo das luces e o son.

Nunha residencia de maiores crúzanse as vidas de Remedios e o seu fútbol, de Lines, Paco e Maribel Verdú, de Maruxa e a súa rabia, de Carmiña e Manoel, sempre Manoel…, dunha enfermeira e un enfermeiro. Vidas como as de calquera, cheas de amores que foron, son e serán, e dos que non chegaron a ser…; dos soños que non se cumpriron e dos que se transformaron en pesadelos.

Esta programación teatral rematará o día 16 deste mes coa obra As fillas bravas, da compañía Chévere.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies