Home / Ferrol / Ares / Cogami imparte un curso de integración laboral en Ferrol para usuarios da comarca

Cogami imparte un curso de integración laboral en Ferrol para usuarios da comarca

FERROL360 | Martes 4 febreiro 2020 | 18:40

Proporcionar destrezas para ser competitivos no mercado laboral. Este é o obxectivo que persegue Cogami co curso AFD de Actividades Administrativas na Relación co Cliente que imparte en Ferrol.

Este curso está dirixido prioritariamente a persoas desempregadas e no que se están a formar 15 usuarios parados da comarca de Ferrol.

A formación, que está cofinanciada pola Xunta, consta de 818 horas lectivas, que se imparten ata o vindeiro día 15 de xullo en horario de 09:00 a 14:00 horas.

O curso está dividido en diferentes módulos, como técnicas de recepción e comunicación, operacións administrativas comerciais, gravación de datos ou xestión de arquivos, entre outras.

Ademais, os usuarios tamén terán tempo para practicar unha lingua estranxeira a nivel profesional ou ofimática e para ter prácticas profesionais non laborais e materias transversais de inserción laboral.

O curso iníciase con 15 persoas, 13 mulleres e 2 homes, todas elas con certificado de discapacidade do 33 % como mínimo ou de incapacidade laboral para a profesión habitual e con idades comprendidas entre os 27 e os 51 anos. Proceden dos concellos de Ferrol, Narón e Ares.

A maioría das persoas que forman parte do curso traballaron anteriormente en sectores diversos, como a limpeza, estiba, reparto, hostalería, comercio, costura ou artesanía.

Con esta iniciativa, Cogami proporciónalle ao alumnado as destrezas profesionais que lle permitan un rendemento competitivo no mercado de traballo co fin de acadar un emprego.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies