Home / Sociedad / Educación / Continúan as dimisións no CEIP Recimil co cese voluntario de seis membros do Consello Escolar

Continúan as dimisións no CEIP Recimil co cese voluntario de seis membros do Consello Escolar

FERROL360 | Mércores 4 novembro 2015 | 11:25

Despois de que a ANPA do CEIP Recimil decidira cesar en pleno polas diferenzas coa dirección do centro, este martes seis membros do Consello Escolar presentaron a súa dimisión por «coherencia» e porque «asumimos os argumentos dados pola directiva da ANPA Recimil». Asimesmo, solicitan a dimisión da dirección do centro.

Os cinco representantes de nais e pais no Consello Escolar e unha representante da ANPA, neste mesmo órgano, explican nun comunicado que non se sinten apoiados pola dirección nas súas reivindicacións e «non aceptamos que se nos acuse de prexudicar ó colexio co noso intento de defender os dereitos dos nosos fillos».

Na súa opinión, a ANPA sempre actuou conforme ao sentir das nais e pais , defendendo as súas peticións, e opoñéndose aos recortes impostos pola LOMCE e a Consellería de Educación. Por iso non aceptan que «se tente condicionar a actuación da ANPA, que se debe ós pais, que foron os que decidiron libremente iniciar as mobilizacións».

Estas nais e pais non entenden «o seguidismo» que leva a cabo a dirección do centro con respecto ás políticas de recortes de Educación, así como a postura «supostamente unánime» do claustro de profesores, que considera que non é preciso contar con máis profesorado. Neste senso, aseguran que se contradi o expresado no proxecto educativo do centro e nas xuntanzas anteriores do Consello durante este curso.

Ante esta situación, e considerando imposible o entendemento entre os membros da Comunidade Educativa, presentaron a súa dimisión. Asimesmo, piden o cese voluntario da dirección do centro porque «merece ter unha dirección que antepoña os intereses do colexio a calquera outra consideración particular».

Un comentario

  1. Que opina el Concejal de Educación y que tiene pensado hacer ( si el Torrente Ballester le deja tiempo para temas de Cultura, Educación y Universidad)

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies