Home / Cultura / Davide Salvado e Caxade chegan este xoves ao Jofre dentro do ciclo de concertos Na Raíz

Davide Salvado e Caxade chegan este xoves ao Jofre dentro do ciclo de concertos Na Raíz

Salvado+caxade

FERROL360 | Martes 17 novembro 2015 | 9:58

Música galega para continuar o ciclo de concertos Na Raíz, da man de Davide Salvado e Caxade que actuarán este xoves, ás 20:30 horas, no Teatro Jofre. Promovido pola Concellería de Cultura de Ferrol, os protagonistas de Na Raíz son artistas que rachan con moldes e prexuízos desde o coñecemento da tradición.

Davide Salvado foi o segundo galego, despois de Mercedes Peón, convidado a participar no WOMEX, a feira de World Music máis importante do mundo no ano 2014. Este mariñés namorado do rural presentará en Ferrol o seu último álbum Lobos, no que amosa o seu amor pola tradición, a terra, a lingua e as xentes.

En especial, por esas mulleres fortes, pandereteiras e bailadoras, nas que Davide recoñece a súa formación e aprendizaxe. Ese enraizamento tan puro, salvaxe e fermoso na súa contorna fai que a súa arte non só nos chegue a nós, senón que sexa quen de emocionar ouvidos doutras terras.

Pola súa banda, o acordeonista Alonso Caxade apostou pola modernidade e as oportunidades que ofrece a internet para difundir as súas cancións e videoclips na rede. Acompañado pola formación completa de bombardino, Manu Espinho, trompeta e carrillón, Manu Paino, e batería, Xosé Tunhas, traerá a Jofre o seu disco debut A dança dos moscas.

Nesta proposta o público da escea alternativa e do folque-tradicional teñen un lugar de encontro. Trátase dun folque de melodías novas que reivindican o coñecemento da tradición e canta letras de denuncia.

Os prezos das entradas, dispoñibles nesta web, son de 10, 8 e 5 euros dependendo da localización.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies