Home / Ferrol / Ferrol / Dez estudantes de Medicina realizarán prácticas na Xerencia Integrada de Ferrol

Dez estudantes de Medicina realizarán prácticas na Xerencia Integrada de Ferrol

Benvida aos estudantes de Medicina en Ferrol (foto: Xerencia Integrada Ferrol)
Benvida aos estudantes de Medicina en Ferrol (foto: Xerencia Integrada Ferrol)

FERROL360 | Mércores 11 setembro 2018 | 9:22

A Xerencia Integrada de Ferrol deu a benvida ós 10 alumnos e alumnas da Facultade de Medicina da Universidade de Santiago de Compostela que realizarán as súas materias de práctica clínica na área sanitaria ferrolá durante este curso 2018-2019.

Son a cuarta promoción de alumnos nesta modalidade de formación e realizarán as súas prácticas ata o vindeiro mes de abril. Con esta formación, rematarán os seus créditos para a obtención do título de médico tras superar os exames correspondentes da USC.

Tras cursar as materias de Práctica Clínica en anteriores cursos, onde se achegan á atención hospitalaria e do centro de saúde e adquiren competencias xerais, chega o momento de afondar en competencias máis específicas en cada ámbito, e afianzar os coñecementos máis globais. O obxectivo xeral desta rotación na área sanitaria ferrolá é que os estudantes pasen por áreas específicas durante períodos de tempo concretos.

A organización corresponde ós coordinadores docentes de cada centro seguindo as instrucións e plans de estudo que proveñen da facultade de medicina e odontoloxía, e organízanse quendas para que todo o alumnado pase por diferentes materias clínicas, cirúrxicas, e de servizos centrais, tanto no ámbito hospitalario como nos centros de saúde.

Así, aproxímanse a Medicina Interna, Dixestivo, Cardioloxía, Cirurxía Xeral, Neuroloxía, Traumatoloxía, Xinecoloxía, Pediatría, Psiquiatría, Anestesia, Reumatoloxía, Nefroloxía, Oncoloxía, Neumoloxía, Dermatoloxía, Urxencias e Centros de saúde.

Unha oportunidade de adestramento en competencias que os acompañarán o resto da vida profesional, así coma das habilidades de comunicación co paciente respecto da súa intimidade, e das normas de cortesía e amabilidade que forman parte imprescindible de calquera proceso asistencial na sanidade. Promóvese tamén para que o persoal en formación adquira habilidades para a toma de decisións guiada polos valores éticos.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies