Home / Eume / Dous programas da Xerencia Integrada de Ferrol son finalistas dos II Premios á Sanidade de Galicia

Dous programas da Xerencia Integrada de Ferrol son finalistas dos II Premios á Sanidade de Galicia

FERROL360 | Mércores 24 febreiro 2016 | 18:01

O Programa de Cribado para a prevención do Cancro Colorrectal e o estudo Coñecemento enfermeiro sobre as úlceras de extremidade inferior, da Xerencia Integrada de Ferrol, son finalistas dos II Premios á Sanidade de Galicia, organizados por Sanitaria 2000. Os galardóns, que premiarán trece categorías, entregaranse este xoves en Santiago de Compostela.

Dentro da categoría de Xestión Integrada, compite o Programa de Cribado para a prevención do Cancro Colorrectal. Un programa no que ten participado o 48 % da poboación diana, a porcentaxe máis alta rexistrada nas comunidades autónomas nas que se está a desenvolver este tipo de cribado. A Xerencia Integrada de Ferrol foi piloto para toda Galicia.

Por outra banda, na categoría de Acción Enfermeira, é finalista o estudo: Coñecemento enfermeiro sobre as úlceras de extremidade inferior, que determina se os profesionais que traballan na área sanitaria de Ferrol identifican as úlceras de extremidade inferior e coñecen as guías de práctica clínica, protocolos e documentos de consenso en torno ás mesmas.

Na súa elaboración, teñen traballado máis de 274 profesionais. A autora é Alba Elena Martínez Santos, baixo a dirección dos profesionais de Enfermaría da Xerencia Integrada de Ferrol, Jose Pesado e Eva Tizón. Os implicados realizaron un estudo descritivo, observacional, e multivariado, tanto no ámbito hospitalario como no do centro de saúde e sociosanitario.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies