Ferrol360 Un giro a la actualidad comarcal.
FERROL360 | Sábado 9 marzo 2019 | 20:18
Este domingo, 10 de marzo, toda Galicia conmemora o asasinato de Amador e Daniel a mans da policía franquista. O Día da Clase Obreira Galega pon o foco na cidade naval mais, de novo, a convocatoria non contan coa unidade sindical.
Ás 10:30 horas haberá unha ofrenda floral na memoria do histórico sindicalista Julio Aneiros na rúa que leva o seu nome no Bertón. Despois, ás 11:00 horas, haberá ofrenda no monumento que lembra esa xornada traxicamente histórica en Recimil.
O alcalde de Ferrol, Jorge Suárez, presidirá o acto, apoiado polos sindicatos agás a CIG, que ten a súa propia mobilización máis tarde. Ás 11:30 sairá a manifestación e ás 13:00 horas celébrase a entrega dos premios 10 de marzo organizados por CC.OO. no Torrente Ballester.
Pola súa banda, A Confederación Intersindical Galega (CIG) sairá ás 12:00 horas desde o monumento «para exixir que se deroguen as reformas laborais e as políticas executadas coa escusa da crise porque cada día que pasa medra a precariedade, a pobreza laboral e continúa a perda xeneralizada do poder adquisitivo da clase traballadora galega».
