Home / Ferrol / Ferrol / Esmelle celebra este sábado a V Feira de Nadal

Esmelle celebra este sábado a V Feira de Nadal

FERROL360 | Venres 4 decembro 2015 | 10:53

O Val de Esmelle celebra este sábado a súa tradicional Feira de Nadal, no local da AVV do Val de Esmelle, a partir das 10:00 horas e durante toda a xornada. Unha actividade que ten como obxectivo poñer en valor os produtos e o saber facer desta zona de Ferrol.

Así mesmo, os organizadores, o Proxecto Esmelle e a Asociación de Mulleres Rio D’aneiro, queren promocionar o Valle de Esmelle cunha oferta variada, tanto en actividades culturais e de natureza, coma en gastronomia e produtos propios.

As entidades destacan que a Feira do Nadal «convértese nun escaparate do noso Val» e permite aos asistentes «gozar dunha xornada de descanso neste privilexiado entorno». Daranse cita nesta feira máis de 40 postos de segunda mán, artesanía, productos do campo, licores, doces e mel, entre outros.

Tamén haberá degustacións gastronómicas de polbo á feira, churrasco, callos e caldo galego. Ao longo do día haberá actuacións musicais, talleres artesáns gratuítos e actividades para nenos.

Trátase de pór á venda produtos 100% realizados na comarca. A iniciativa, que xorde grazas á participación voluntaria dos veciños da zona, ten afán de continuidade, consolidada xa como unha cita anual como motor de desenvolvemento local.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies