Esquerda Unida Narón considera excesivo o salario do alcalde

FERROL360 | Luns 22 xuño 2015 | 20:11

Esquerda Unida de Narón califica de «excesivo» o salario do alcalde da localidade, que cobra 50.000 euros anuais. O grupo considera que a retribución de José Manuel Blanco «non debe ser maior que a dos alcaldes de Ferrol, A Coruña, Madrid ou Barcelona», que non superan os 40.000 euros anuais.

Facendo alusión ao actual contexto de crises económica, EU fai un chamamento á «moderación salarial por responsabilidade política e respeto á cidadanía». Ademais, o grupo critica a ampliación do número de liberados, que pasará de tres a catro, porque supón un aumento do gasto do Concello.

Por outra banda, Esquera Unida denuncia que «estase a dar un trato desigual ós partidos que conforman a oposición» e piden reflexión a todos os grupos que integran o novo goberno municipal.