Home / Eume / Estabilidade na curva da pandemia ao non rexistrarse novos positivos na área sanitaria de Ferrol

Estabilidade na curva da pandemia ao non rexistrarse novos positivos na área sanitaria de Ferrol

FERROL360 | Luns 17 maio 2021 | 11:11

A curva da pandemia mantense estable na área sanitaria de Ferrol e rexistra un lixeiro descenso na presión asistencial. Atendendo á información facilitada como cada día polo Sergas, este luns constan 87 pacientes positivos en coronavirus na nosa área sanitaria, a mesma cifra do domingo.

Non se contabilizan novos contaxios nas 143 probas PCR realizadas nas últimas 24 horas, xa se practicaron un total de 140.485 probas PCR desde que comezou a pandemia. En canto á presión hospitalaria, hai cinco persoas ingresadas no Complexo Hospitalario Universitario de Ferrol. Delas, tres están en planta, dúas menos que o domingo, e dúas están ingresadas na UCI, unha máis que o domingo.

Non hai novas altas, xa que os casos non activos ou curados son 8.209, a mesma cifra do domingo. Lembramos que xa son 217 as persoas falecidas a causa do coronavirus nas comarcas.

No mapa por municipios de novos casos detectados nas dúas últimas semanas Ferrol baixa dos 29 aos 27 casos e Narón mantense en 12 positivos. No rango de entre 1 e 9 casos figuran: San Sadurniño, Cabanas, Valdoviño, Cariño, Cedeira, A Capela, As Pontes, Mugardos, Fene, Pontedeume, Monfero, Neda e Mañón.

No mapa de novos casos detectados na última semana Ferrol baixa dos 16 aos 12 positivos e Narón descende tamén dos 11 aos 10 casos. No rango de entre 1 e 9 positivos figuran: San Sadurniño, Cabanas, Valdoviño, A Capela, As Pontes, Monfero, Mañón, Mugardos, Fene, Pontedeume e Neda.

En Cariño e Cedeira non se detectou ningún caso na última semana e en Ares, Moeche, As Somozas, Cerdido e Ortigueira non se rexistrou ningún caso nos últimos 14 días.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies