Home / Ferrol / Narón / Este domingo comezarán as visitas guiadas ao Mosteiro do Couto

Este domingo comezarán as visitas guiadas ao Mosteiro do Couto

FERROL360 | Mércores 15 xullo 2015 | 10:58

Coincidindo coa celebración da XVII Festa gastronómica do pemento do Couto, este domingo póñense en marcha as visitas guiadas ao Mosteiro nas que unha guía encargarase de explicar aos visitantes a historia deste recoñecido cenobio naronés, localizado nas inmediacións da ría e que permanece habitualmente pechado ao público.

As visitas serán os sábados en horario de 11.00 a 13.00 horas e prolongaranse ata o 15 de setembro. Os percorridos polo mosteiro serán para grupos reducidos de entre seis e dez persoas e terán unha duración aproximada de media hora polo mosteiro e a igrexa.

Os interesados en participar nesta actividade deberán cubrir previamente unha ficha na Oficina de Turismo ou no propio mosteiro o día da visita. Para máis información, pódese chamar ao teléfono 981.337.700 (ext.2301)

Por outra banda, a Oficina de Turismo de Narón abre este mércores as súas portas ata o vindeiro 15 de setembro. O horario de atención ao público é de luns a venres en horario de 11.00 a 13.00 e de 19.00 a 21.00 horas e os sábados e festivos de 10.00 a 14.00 horas. Os domingos permanecerá pechada.

Nesta Oficina, que está localizada no parque do río Freixeiro, ofrecerase aos visitantes información institucional de Narón e da comarca, así como das festas gastronómicas, eventos varios e actividades culturais que se desenvolvan durante estas datas.

Publicidad

campamentos

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies