Home / Cultura / Fene recupera este domingo a Romaría de Santa Ana

Fene recupera este domingo a Romaría de Santa Ana

FERROL360 | Sábado 28 xullo 2018 | 12:43

O Concello de Fene e as entidades da zona unen forzas para recuperar a Romaría de Santa Ana. 23 anos despois da última celebración deste festa, a localidade volverá festexar esta data cun programa que contempla actividades para os peques, misa e procesión, música e gastronomía.

A festa comezará ás 11.00 horas coa saída desde a casa consistorial cara á capela. Á chegada servirase un refrixerio e callos para repor forzas. Xa sobre as 13.30 horas, celebrarase a misa solemne e a procesión, tras a cal dará comezo a sesión vermut.

A continuación haberá un xantar popular ao prezo de 10 euros. Servirase churrasco e mexilóns e as reservas poden realizarse no teléfono 670 831 522. Non faltará tampouco a música, a cargo do grupo de música folk Boj e haberá inchables para os máis pequenos da casa.

As entidades Os Tadetas, AVV Fene, CMIU Fene, AVV de Magalofes, que preparará o churrasco, e Asociación de Amas de Casa colaboran activamente no proxecto.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies