Ferrol acolle este martes as Xornadas de difusión: Garantía Xuvenil e Cooperativismo

FERROL360 | Luns 21 setembro 2015 | 10:21

Co obxectivo de dar a coñecer o Programa de Garantía Xuvenil tanto a cooperativas, como a mozos de ata 29 anos, empresas de economía social, e público en xeral, este martes terán lugar no antigo Hospicio de Ferrol as Xornadas de difusión: Garantía Xuvenil e Cooperativismo.

Estas xornadas, organizadas por UGACOTA, animarán aos participantes a sumarse ao Programa de Garantía Xuvenil polas oportunidades, recursos e liñas de apoio que ofrece aos colectivos e público obxetivo. Ademais, o 30 de setembro finaliza o prazo para solicitar os incentivos ao autoemprego colectivo para cooperativas e mozos.

A Garantía Xuvenil busca incrementar a empregabilidade de xóvenes menores de 29 anos e conta con diversas medidas para facilitar a súa incoporación ao mercado laboral como: accións formativas,prácticas non laborais, incentivos e axudas. Ao mesmo tempo, ofrece servizos e recursos ás empresas en xeral, e ás cooperativas en particular.

No ámbito cooperativo especificamente, os mozos inscritos no sistema contan con axudas para incorporarse a cooperativas, ben como socios a proba, ben como socios plenos. Estas axudas son compatibles con outras bonificacións nas cotas á seguridade social. A Garantía Xuvenil está cofinanciada pola Iniciativa de Emprego Xuvenil e polo Fondo Social Europeo nun 91,89 %.

O horario da xornada será de 11:00 a 13:00 horas e para inscribirse hai que cubrir esta inscrición. Para máis información, podedes contactar no teléfono: 986 13 65 92 ou no email: nuria@ugacota.coop.