Ferrol360 Un giro a la actualidad comarcal.
FERROL360 | Domingo 25 xullo 2021 | 17:32
O Concello de Ferrol, a través da Sociedade Mixta de Turismo, editou unha nova guía turística que recolle a oferta cultural, deportiva e de ocio prevista para este verán na cidade. O folleto recopila horarios, contactos e descrición da oferta en galego, castelán e inglés.
Nela pódese atopar toda a información das rutas guiadas por Ferrol como a Modernista teatralizada, a das Meninas de Canido, do Arsenal, o Pazo de Capitanía, o Cuartel de Dolores, o estaleiro e do Castelo de San Felipe.
Tamén se recollen indicacións sobre os diferentes museos: o Naval, Exponav e o Museo de Historia Natural. A nova guía inclúe información sobre os paseos pola ría e das actividades de turismo activo, que inclúen vela, surf e bicicleta de montaña.
As guías xa están dispoñibles en dúas oficinas de turismo de Ferrol, a da Praza de España e a do Peregrino no porto de Curuxeiras, así como nos puntos de información do resto de concellos da comarca. Tamén pode consultarse neste enlace.
