Home / Actualidad / Lavado de cara aos locais sociais das entidades de Neda grazas a un plan municipal

Lavado de cara aos locais sociais das entidades de Neda grazas a un plan municipal

FERROL360 | Martes 26 xuño 2018 | 9:22

O Concello de Neda promove a mellora dos locais sociais das entidades da vila a través dun plan municipal de axudas directas ás asociacións, que teñen por obxecto a conservación das sedes das entidades.

O goberno local destinou preto de 20.000 euros a este programa no ano 2017. Unha cantidade que xa fixo posible o cambio de persianas na entidade de Anca, a renovación dos aseos na Cobeluda e a reparación do tellado en Ancos, entre outras intervencións.

O alcalde de Neda, Ángel Alvariño, afirmou que o obxectivo é manter nas mellores condicións posibles unhas instalacións que son públicas e mesmo por contribuír á modernización duns locais que desempeñan unha importe función de socialización e de difusión da cultura e do deporte.

En canto ás axudas directas, Alvariño lembrou que se incrementou nun 100 % as contías e puxo ao día as convocatorias que representan no seu conxunto un total de 18.000 euros de cartos públicos
para o fomento das actividades, cultura e o deporte que están promovidas polas 25 entidades da vila.

O alcalde avanzou que as subvencións deste ano están a piques de ser convocadas. Unha vez saian no Boletín Oficial da Provincial haberá vinte días de prazo para presentar as solicitudes nas oficinas do Concello.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies