Libros infantís gratuítos para particulares e entidades na Axencia de Lectura da Gándara

FERROL360 | Mércores 31 xullo 2019 | 11:03

A Axencia de Lectura municipal da Gándara, na Casa da Mocidade, ofrece libros infantís gratuítos á veciñanza e entidades interesadas. Estes libros proceden do expurgo realizado no fondo infantil da Biblioteca municipal.

Ata o vindeiro 6 de agosto entregaranse os libros entre as persoas interesadas no horario de apertura das instalacións: os luns de 10.30 a 13.30 e os martes e xoves entre as 18.00 e as 21.00 horas. O expurgo realizado responde ao proceso de actualización e renovación dos actuais fondos, retirando os máis antigos para poñelos á disposición da veciñanza, explica a concelleira de Bibliotecas, Mercedes Taibo.

Ademais, esta semana a Axencia de Lectura municipal da Gándara acolleu un obradoiro de grilandas coas que se decorará o espazo da Biblioteca municipal que se habilitará no festival da cultura viaxeira Gulliver Fest este sábado na área recreativa de Pedroso.