Home / Actualidad / Madeira reciclada do paseo marítimo de Xuvia para unha nova zona de merenda en Neda

Madeira reciclada do paseo marítimo de Xuvia para unha nova zona de merenda en Neda

FERROL360 | Xoves 30 agosto 2018 | 9:38

O Concello de Neda vén de instalar un novo mobiliario nas inmediacións do albergue de peregrinos coa incorporación dunha zona de merenda. Son un total de seis mesas con asentos incorporados e realizadas coa madeira reciclada do paseo marítimo de Xuvia.

Desde o goberno local indican que son recursos pensados para que a xente poida desfrutar duns espazos situados á beira da desembocadura do río Grande de Xuvia. Unha iniciativa que busca mellorar os equipamentos nunha zona que ao longo de todo ano recibe a visitas dos peregrinos que viaxan a Santiago de Compostela polo Camino Inglés.

A instalación das mesas levouse a cabo esta mesma semana e a idea do goberno municipal é completar a iniciativa coa posta en servizo de novas unidades na zona da piscina municipal.

Ruta dos Muíños

Por outra banda, un total de 54 persoas participarán o sábado na ruta dos Muíños promovida polo Concello con motivo da Festa do Pan. A iniciativa consiste unha andaina de catro horas de duración, que sairá ás 10.00 horas do adro da igrexa de Santa María.

Levará aos participantes a coñecer algunhas das construcións fariñeiras que aínda hoxe se conservan ao longo do río Belelle e tamén a visitar A Fervenza. Na viaxe de regreso, os excursionistas serán obsequiados con empanada e doces na cantina da polideportiva do Roxal.

Coa celebración desta ruta dará comezo o programa de actos da festa de exaltación do pan de Neda.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies