Home / Eume / As Pontes / Medio Ambiente entrega ao Concello de As Pontes a estación depuradora de augas residuais

Medio Ambiente entrega ao Concello de As Pontes a estación depuradora de augas residuais

FERROL360 | Mércores 11 febreiro 2015 | 14:45

A partires de agora, o Concello de As Pontes será o responsable da explotación, mantemento e conservación da estación depuradora de augas residuais. Así, a Consellería de Medio Ambiente, Territorio e Infraestruturas entrega á administración local esta instalación, que foi rematada no ano 2012; durante este tempo, a Xunta asumiu a súa explotación.

Cómpre lembrar que esa actuación contou cun investimento de máis de 4 millóns de euros e foi executada por Augas de Galicia. A depuradora contribuirá a mellorar a calidade das augas do río Eume, ao tempo que mellorará o sistema de saneamento do municipio beneficiando a preto de 20.000 habitantes.

En canto ás especificacións técnicas, trátase dunha depuradora biolóxica de lodos activados mediante sistema de aireación prolongada con eliminación de nitróxeno e fósforo, estabilización e deshidratación de lodos e desinfección por raios UV-C. Implicou a disposición de 1.872 metros de colectores e 1.253 de impulsións. Ademais, ten tres unidades de bombeo e un tanque de tormentas.

Na estación depuradora existe unha liña de auga na que se realiza o tratamento primario mediante bombeo de entrada e tamiz de desbaste e desareador e o tratamento terciario coa desinfección por raios UV-C. A EDAR tamén conta cunha liña de lodos na que se bombean e deshidratan os mesmos.

Plano depuradora de As PontesPlano depuradora de As Pontes

Publicidad

san valentín en dolce vita odeon

Banner Plan de Igualdade do Concello de Ferrol

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies