Ferrol360 Un giro a la actualidad comarcal.
FERROL360 | Domingo 31 xullo 2016 | 12:00
Ante a boa acollida que está a ter a visita guiada á mina de Piquito e dada a elevada demanda de solicitudes para participar nesta actividade, o Concello de Moeche incorpora unha nova data para satisfacer as peticións e que máis persoas podan gozar desta iniciativa.
Así, ás datas previstas súmase agora a posibilidade de solictar praza para o domingo 14 de agosto con dúas novas sesións: ás 10:00 e ás 12:00 horas. A inscricións pódense facer a partir do luns 1 de agosto, na Casa do Concello, no correo electrónico: correo@moeche.es ou no telefono 981.404.006. As prazas son limitadas a 20 participantes e o prezo é de catro euros.
As visitas están guiadas polo experto Francisco Canosa, doutor en Xeoloxía. A ruta dura aproximadamente unha hora e débese acudir con botas de auga, lanterna e casco. Desde o Concello avisan que ninguén poderá entrar na mina sen casco.
A mina Piquito é unha mina de cobre das últimas que se pecharon na década dos 60. Nela pódense observar formacións excepcionais de estalactitas e estalagmitas de diferentes cores: azul, verde, branca, marrón ou negra e rochas que permiten coñecer como era o fondo do mar hai uns 400 millóns de anos.
