FERROL360 | Martes 16 xullo 2019 | 9:30
O Festival Irmandiño de Moeche cumpre neste 2019, nada máis e nada menos, que 40 anos de vida. Para conmemorar esta importante data, a organización do evento diseñou un completo programa de concertos que foi desvelando nestes últimos días a través das súas redes sociais.
A música está asegurada nesta XXXX edición do Festival Irmandiño coas actuacións de Sés, Huntza, Tecor Societario, Os Carecos e Saraibas, entre outros. Concertos que se complementará co asalto ao castelo, ademais de actividades para os peques da casa.
A festa rachada comezará o venres co grupo de música tradicional A Requinta da Laxeira. Xa o sábado, o Festival arrancará co concerto de Os Carecos, vidos desde Ortegal, seguidos de Saraibas, mítico grupo formado en San Sadurniño, que tocou no I Festival Irmandiño.
A continuación, será o turno de Sés como preludio do asalto ao castelo de Moeche. Os vascos Huntza serán os encargados de darlle continuidade á festa e para pechar a noite do sábado, música de Tecor Societario.
Xa o domingo haberás tres novas actuacións a cargo de Os Carecos, Os Feroces da Galgueira e De Ninghures.
Debate sobre el post